Job Description Офис Үйлестірушісі мынадай Міндеттердің шеңберінде келесі еңбек міндеттерін орындайды:   Университеттің стратегиялық мақсаттарына қол жеткізу мақсатында Университеттің Қазақстан Республикасының мемлекеттік билік институттарымен өзара іс-қимыл стратегиясын әзірлеу және іске асыру: Университеттің стратегиялық мақсаттарына әсер ететін трендтерді анықтау үшін саяси, экономикалық, әлеуметтік және технологиялық аспектілерді қоса алғанда, сыртқы орта туралы деректерді жинау және талдау жөніндегі жұмысты ұйымдастыру және үйлестіру. Стратегиялық мақсаттарды айқындау кезіндегі қолдау: жоғары басшылықпен және негізгі мүдделі тараптармен талқылау үшін материалдар дайындауды қоса алғанда, мемлекеттік институттармен өзара іс-қимылдың стратегиялық мақсаттарын тұжырымдау. Стратегиялық бастамаларды әзірлеу және нақтылау: өзара іс-қимылдың кешенді стратегиясын жасауға және нақтылауға қатысу, ынтымақтастықтың басым бағыттары бойынша жобалық құжаттарды, іске асыру жоспарларын және ұсыныстарды дайындау. Стратегияны келісу кезінде қолдау: стратегияны негізгі мүдделі тараптармен талқылау және келісу үшін кездесулер мен іс-шараларды ұйымдастыру, тұсаукесерлер мен ақпараттық пакеттерді дайындау. Стратегияның орындалуына мониторинг жүргізу: Жобаларды ілгерілету туралы деректерді жинау мен талдауды қоса алғанда, бекітілген стратегияның іске асырылу барысын қадағалау, Офис Басшысы үшін есептер дайындау. Стратегияны бейімдеуге қатысу: Стратегияны түзету бойынша ұсыныстар енгізу үшін сыртқы және ішкі ортадағы нәтижелер мен өзгерістерді талдау, негіздемелер мен талдау материалдарын дайындау. Негізгі серіктестермен байланыс: мемлекеттік институттардың негізгі өкілдерімен және серіктестермен байланыстарды қолдау (басқарудың орта және төменгі деңгейінде), жұмыс кездесулерін ұйымдастыру, ақпарат алмасуды үйлестіру. Жалпы стратегиялық бастамаларды әзірлеуге қатысу: Университеттің жалпы стратегиялық мақсаттары мен жедел жоспарларын әзірлеуге және іске асыруға белсенді қатысу, ведомствоаралық жұмыс топтарында Офистің мүдделерін білдіру.   Университеттің орталық және жергілікті атқарушы органдармен, оның ішінде өнеркәсіптік саясат, индустриялық-инновациялық даму және ғылыми-инновациялық қызметті коммерцияландыру мәселелері бойынша тиімді өзара іс-қимылын қамтамасыз ету: мемлекеттік органдармен, оның ішінде өнеркәсіптік саясат, индустриялық-инновациялық даму және ғылыми-инновациялық қызметті коммерцияландыру мәселелері бойынша тиімді өзара іс-қимылды ұйымдастыру және қолдау; нормативтік құқықтық базаның, оның ішінде өнеркәсіптік саясатты, индустриялық-инновациялық қызметті және ғылыми әзірлемелерді коммерцияландыруды реттейтін мониторингін жүзеге асырады; мемлекет деңгейінде және университеттік жобалар шеңберінде өнеркәсіп және инновациялар саласындағы ағымдағы және жоспарланған бағдарламалар, жобалар мен бастамалар туралы ақпаратты жинауды және талдауды жүзеге асырады; өнеркәсіптік саясат пен инновациялар мәселелері бойынша құжаттар жобаларын, талдамалық жазбаларды, есептер мен тұсаукесерлерді дайындауды жүзеге асырады; университеттің индустриялық және инновациялық қызметке байланысты мемлекеттік бағдарламаларға қатысуы бойынша ұсыныстарды әзірлеумен және дайындаумен айналысады; өнеркәсіптік және инновациялық саясат мәселелері бойынша мемлекеттік органдармен және ұйымдармен, кәсіпорындармен тиімді өзара іс-қимыл жасау үшін Университеттің әртүрлі бөлімшелері арасындағы жұмысты үйлестіруді жүзеге асырады; мемлекеттік органдардың және салалық қауымдастықтардың, ұйымдардың, кәсіпорындардың өкілдерімен конференцияларды, семинарларды және кездесулерді қоса алғанда, өнеркәсіптік саясат пен инновацияларға байланысты іс-шараларды ұйымдастыруға бастамашылық жасайды/қатысады; мемлекеттік органдарды, зерттеу институттарын, өнеркәсіптік кәсіпорындар мен инновациялық орталықтарды, сондай-ақ Университеттің ішкі салалық бөлімшелерін қоса алғанда, негізгі мүдделі тараптармен байланыс жасауды жүзеге асырады; өнеркәсіптік саясат пен инновациялар саласындағы ынтымақтастықты дамытуға бағытталған мемлекеттік органдардың, ұйымдардың, кәсіпорындардың өкілдерімен сапарларды және кездесулерді дайындауды және сүйемелдеуді жүзеге асырады; Университет жұмыскерлеріне өнеркәсіптік саясат пен инновациялар саласындағы мемлекеттік қолдау мәселелері бойынша консультациялар мен ақпараттық қолдау ұсынады; ішкі және сыртқы мақсаттар үшін ақпараттық материалдар мен бюллетеньдер дайындауға қатысады; өнеркәсіптік саясат пен инновациялар саласындағы жобалар мен бастамаларды іске асыру нәтижелерінің мониторингін, олардың тиімділігін және Университеттің стратегиялық мақсаттарына қол жеткізуге қосқан үлесін талдауды жүзеге асырады; мемлекеттік органдармен өзара іс-қимыл процестерін жақсарту және оңтайландыру және өнеркәсіптік саясат пен инновациялар саласындағы жобаларды іске асыру жөнінде ұсыныстар дайындауды жүзеге асырады; өнеркәсіптік саясат және инновациялық қызмет саласында Университетті дамытудың стратегиялық бағыттарын әзірлеуге қатысады; Университеттің ғылыми-инновациялық қызметін коммерцияландыру бағдарламаларын әзірлеуде және іске асыруда Университеттің салалық бөлімшелеріне жәрдемдесуді жүзеге асырады Qualifications Білімі Жоғары кәсіптік білім, экономикамен, инженериямен, өнеркәсіппен байланысты салаларда немесе аралас салаларда. Басым мамандандырулар: Менеджмент, Гуманитарлық ғылымдар, Білім беру, Құқық, Саясаттану, Экономика, Халықаралық қатынастар. Ағылшын тіліндегі бағдарламалары бар жетекші халықаралық университеттерде оқығаны жөн. Жұмыс тәжірибесі Жұмыс тәжірибесі: ұқсас лауазымда немесе жобаларды басқару саласында, өнеркәсіптік салада немесе стратегиялық жоспарлаудың салалық ұйымдарымен өзара іс-қимыл жасау, өнеркәсіптік саясат мәселелері бойынша мемлекеттік органдармен байланыс саласында кемінде 3 жыл. Білуі қажет Саланың ағымдағы үрдістерін, негізгі тұлғалары мен құрылымдарын терең білу, сондай-ақ негізгі технологиялық процестер мен өнімдерді түсіну. Коммуникативтік дағдылар, шешім қабылдау қабілеті, талдау дағдылары, есептер мен талдау жазбаларын дайындау дағдылары, командада жұмыс істей білу. Мемлекеттік басқару саласындағы білім. Мемлекеттік саясатты, өнеркәсіптік саясат саласындағы ғылымды қолдау тетіктерін әзірлеу және енгізу процестерін түсіну. Индустрия, инновация мәселелеріне қатысты саясатты, бағдарламаларды және бастамаларды талдай білу және осы негіздегі шешімдерді ұсына білу. Microsoft Word, Excel, PowerPoint бағдарламаларын білу. Орыс, қазақ, ағылшын тілдерін еркін меңгерген.